اعتذرت الممثلة المصرية فريدة سيف النصر عن تكريمها في مهرجان "ملتقى نجم العرب" في دورته الأولى، بجائزة التميز لأفضل ممثلة عن دورها في مسلسل "العتاولة".
وجاء في ما كتبته على صفحتها على أحد مواقع التواصل الإجتماعي عن الأمر:"أولًا أنا معتذرة حتى عن مهرجان نقابتنا يوم الأربعاء، برغم عظمته.. معقول وهل ينفع والناس في لبنان بيموتوا والقصف على طريق المطار في بيروت الجميلة بأصحابها، ده غير غـ زة القوية العنيدة اللي مابتخلصش من دماء أطفالها وأهلها!!.. الله ينجيهم كلهم.العقل حلو، بيقولوا إنه أول دورة، طيب مين اللي عامله ومكلف؟، وبجد والله كتر خيركم جدًا، بس الحقيقة أنا فقرية مابحبش الأفورة، أصلا أنا معتذرة كتير عن مهرجانات مش عارفة كتروا ليه!، وبدون أفلام ولجان تحكيم طبعًا المسلسلات أسهل.. وطالما ماعرفش مؤسسينها وماعرفش مصدرها ماروحش".
وتكتفي سيف النصر بجائزة واحد في السنة:"كفاية جائزة في السنة، خاصة لو مهرجان القاهرة أو الإسكندرية الموثقين دوليًا.. إنما رايح جاي دي والخايلة الكدابة.. وفساتين وأوتيلات وجوااايز يافايز للي عايز.. ماليش فيه.. وكل شىء يزيد عن حده ينقلب لضده ولا مؤاخذة، خلصنا بقي ركزوا في اللي جاي.. دعونا نعمل في صمت وبعد الصمت يفور البركان".
